Трамп менен Путиндин жолугушуусу аскер базасында өтөрү айтылды

АКШнын президенти Дональд Трамп менен Орусиянын лидери Владимир Путиндин Аляскада пландалган жолугушуусу Элмендорф-Ричардсон аскер базасында болорун CNN телеканалы маалымат булактарына таянып билдирди.

Телеканал уюштуруучулар штатта саммитти өткөрүүгө ылайыктуу деп Анкоридж шаарын тандашканын белгилейт. Ал эми шаардын түндүк четинде жайгашкан Элмендорф-Ричардсон аскер базасы тарыхый жолугушууну өткөрүү үчүн талаптарга жооп берет деген тыянакка келишкен.

Айта кетсек, америкалык жана орусиялык лидерлердин жолугушуусу 15-августта болору күтүлүүдө.

Автор: Кылымбек Бейшеев
Фото: Интернеттен алынды