Бишкек шаарындагы дүкөндөрдө жашылчаларга болгон баа төмөндөдү

Суу ресурстары, айыл чарба жана кайра иштетүү өнөр жайы министрлиги азык-түлүк товарларынын бааларын жума сайын салыштырып мониторинг жүргүзүүдө. Бул тууралуу министрликтин маалымат кызматы кабарлады.

Бишкек шаарындагы гипермаркеттердеги баалардын мониторингинин жыйынтыгы боюнча, 2025-жылдын 14-августуна карата социалдык маанилүү азык-түлүк түрлөрүнүн баалары ушул эле жылдын 5-августуна салыштырмалуу төмөндөгөндүгү байкалууда. Айрыкча жашылчалардын баасы кескин арзандады.

Негизги азык-түлүктөрдүн бааларындагы өзгөрүүлөр (сом жана пайыздык көрсөткүч менен):

Сабиз - 49 сом (мурун 58 сом)
Пияз - 43 сом (мурун 45 сом)
Картошка - 45 сом (мурун 49 сом)
Капуста - 27 сом (мурун 30 сом)

Жашылча бааларынын төмөндөшү жергиликтүү өндүрүүчүлөрдөн жеткирүү көлөмүнүн өсүшү менен байланыштуу. Баалардын динамикасын мониторинг жүргүзүү үзгүлтүксүз улантылат.

Автор: Жазгүл Жаңыбаева