Өзгөн шаарында жаңы спорттук комплекс ачылат

23-август күнү Ош облусунун Өзгөн шаарында Зулпукар Ормонов атындагы жаңы спорттук комплекстин салтанаттуу ачылыш аземи өтөт. Бул тууралуу Кыргыз футбол союзу билдирди.

Майрамдык иш-чара саат 17:30да башталып, көрүүчүлөргө кыргыз эстрадасынын жылдыздары катышкан концерт тартууланат.

Кеченин негизги бөлүгү - Кыргызстандын Профессионалдык футбол лигасынын 18-турунун алкагындагы "Өзгөн" жана "ОшМУ" командаларынын беттеши болмокчу. Беттештин башталышы саат 20:30га белгиленген.

Бул спорттук жайдын ачылышы - аймактагы спорттук базаны өнүктүрүүдөгү жаңы этаптын башталышын билдирет.

Автор: Айсулуу Урустамова