Ак үй Путин менен Трамптын жолугушуусунун убактысын жарыялады

Ак үй АКШ президенти Дональд Трамптын Орусия лидери Владимир Путин менен жолугушуу үчүн Аляскага болгон сапарынын графигин жарыялады.

Маалыматка ылайык, Трамп Анкоридж шаарына саат 06:45те (Бишкек сааты менен 16:45) конот. Жергиликтүү убакыт боюнча саат 11:00дө (Бишкек сааты менен 01:00) ал Анкориджде Орусиянын президенти менен эки тараптуу программага катышат.

Жүгүртмөдө көрсөтүлгөндөй, Трамп Анкориджден саат 21:45те (Бишкек сааты менен 07:45) кетет.

Буга чейин Орусия президентинин жардамчысы Юрий Ушаков Путин менен Трамптын жолугушуусу Анкориджде жергиликтүү убакыт боюнча саат 11:30да (Бишкек сааты менен 01:30) башталарын маалымдаган.

Автор: Жазгүл Жаңыбаева