Израил ХАМАСка "тозоктун дарбазалары" ачыларын эскертти

Израилдин коргоо министри Исраэль Кац эгер ХАМАС коюлган шарттарга макул болбосо, Газа тилкеси Израилдин операциялары учурунда талкаланган башка шаарлардын тагдырына кабыларын билдирди.

Кацтын айтымында, ХАМАС каршылык көрсөтүүнү токтотпосо, Газа Рафах менен Бейт Ханундун тагдырына кабылат. The Times of Israel басылмасы аталган шаарлар Израилдин сокку урууларынын натыйжасында дээрлик толугу менен талкаланын белгилейт.

"Эгер Израилдин согушту токтотуу, биринчи кезекте бардык барымтадагыларды бошотуу жана куралдарын таштоо шарттарына макул болбосо, Газадагы ХАМАС кыймылы үчүн "тозоктун дарбазалары" жакында ачылат",- деп жазат анын сөздөрүн басылма.

Автор: Кылымбек Бейшеев
Фото: Иллюстрациялык сүрөт