Түндүк Кореяда Украинадагы согушка катышкан жоокерлер тууралуу репортаж көрсөтүлдү (видео)

Түндүк Корея биринчи жолу Курск облусунун чек ара аймагында Украинанын куралдуу күчтөрү менен салгылашууларга катышкан түндүк кореялык жоокерлер тууралуу репортаж көрсөттү.

Материал Пхеньянда өлкө лидери Ким Чен Ындын, командирлердин, жоокерлер жана маркумдардын үй-бүлөлөрүнүн катышуусунда болгон концерт учурунда көрсөтүлгөн.

Айта кетсек, апрель айында Москва менен Пхеньян былтыр августта Курск аймагындагы салгылашууларга Түндүк Кореянын жоокерлери катышканын расмий тастыкташкан. Батыш өлкөлөрү Түндүк Кореянын аскерлеринин жаңжалга катышуусуна тынчсыздануусун билдиришкен.