Трамп Чикаго менен Нью-Йоркто кылмыштуулукка каршы күрөш жүргүзүлөрүн айтты

АКШнын президенти Дональд Трамп Вашингтондон кийин Чикаго жана Нью-Йоркто кылмыштуулукка каршы күрөштү күчөтүү үчүн федералдык өкмөттүн ресурстарын, анын ичинде армияны пайдаланууга даяр экенин билдирди.

"Биз кадимки аскерий күчтөрдү колдонууга аргасыз болгон жокпуз. Эгер керек болсо, биз буга даярбыз", - деди америкалык лидер жума күнү Ак үйдө журналисттердин суроолоруна жооп берип жатып.

"Менимче, Чикаго биздин кийинки пунктубуз болот. Анан биз Нью-Йоркко жардам беребиз", - деп кошумчалады ал.

11-августта Трамп кылмыштуулукка каршы күрөшүү үчүн Улуттук гвардиянын аскерлерин Вашингтонго өткөрөрүн жарыялаган.

Автор: Кылымбек Бейшеев
Фото: Интернеттен алынды