АКШда күчтүү кумдуу бороон-чапкын болду

25-августта Аризона штатындагы Финиксте күчтүү кумдуу бороон-чапкын болду. Бул тууралуу соцтармактарда видео тарады.

Маалыматка ылайык, айрым аймактарда бороондон улам сыртка чыгууга мүмкүн болбой калган.

"Мен колумду сунсам, кумдан көрүнбөй калды. Абдан катуу болду",- деп билдирген жергиликтүү тургундардын бири.

Катуу шамал бак-дарактарды кулатып, электр зымдарын жарактан чыгарды. Кечинде 60 миңден ашык турак-жай жарыксыз калган, аэропортто каттамдар токтотулган.

Куткаруу кызматтары тургундарга транспорттун үзгүлтүккө учурашы мүмкүн экенин эскертип, аба ырайы турукташканга чейин мүмкүн болсо үйдө калууну сунуштаган.