Ингушетияда 12 жаштагы мектеп окуучусу өспүрүмдү кокусунан атып алды

Ингушетияда 12 жаштагы бала кокусунан 15 жаштагы өспүрүмдү атып алды. Бул тууралуу республика боюнча Тергөө комитетинин расмий Telegram каналы билдирди.

Маалым болгондой, кырсык 26-августта Малгобектеги жеке үйлөрдүн биринде болгон.

"Пневматикалык мылтык менен этиятсыз мамиле кылуунун кесепетинен 12 жаштагы бала кокусунан 15 жаштагы өспүрүмдүн көкүрөгүнө атып, ал каза болгон",- деп айтылат маалыматта.

Маалым болгондой, тергөөчүлөр кырсыктын чоо-жайын аныктап, этиятсыздыктан адам өлүмүнө алып келүү фактысы боюнча тергөөгө чейинки текшерүү уюштурган.

Автор: Айсулуу Урустамова