Баткен облусунда бүгүн 7 социалдык объект ачылды

Кыргызстандын Эгемендүүлүгүнүн 34 жылдыгына карата Баткен облусунун аймагында 7 социалдык объект ачылды. Бул тууралуу облустук өкүлчүлүк билдирди.

Алар:

Лейлек районунун Тогуз-Булак айыл аймагынын Ай-Көл айылындагы 225 орундуу “Наркозу Батыров” атындагы орто мектеп
Лейлек районунун Кең-Талаа айыл аймагынын Бешкент айылындагы 500 орундуу “Келечек” атындагы орто мектеп
Лейлек районунун Тогуз-Булак айылынын Миң-Жыгач айылындагы 225 орундуу “Жаш тилек” орто мектеби
Кадамжай районунун Майдан айыл аймагынын Сары-Алтын айылындагы 225 орундуу “Сары Алтын” орто мектеби.
Юстиция министрлигинин Баткен облустук башкармалыгынын жаңы административдик имараты
Лейлек районунун Жаңы-Жер айыл аймагынын административдик имараты
Лейлек районунун Кең-Талаа айыл аймагынын Мурас айылындагы заманбап спорт комплекси

Белгилей кетсек, өлкөнүн Эгемендик майрамына карата аймактарда социалдык объекттер ачылып жатат.

Автор: Айсулуу Урустамова