Бишкектеги Курманжан датка көчөсүнүн бир бөлүгү оңдоп-түзөөдөн кийин ачылды

Бишкек шаарындагы Курманжан Датка көчөсүнүн Жибек Жолу проспектинен Фрунзе көчөсүнө чейинки бөлүгүндө оңдоо иштери аяктап, унаа кыймылы үчүн ачылды. Бул тууралуу бүгүн, 30-августта мэриядан кабарлады.

Жол оңдоо иштеринин жүрүшүндө төмөнкү иштер аткарылды:

- Фрунзе көчөсүнөн Салиева көчөсүнө чейинки жылуулук түтүктөрү толугу менен жаңыртылды;

- көчөнүн кеңдиги мурдагы 12–16 метрден 21 метрге чейин кеңейтилди;

- жалпы калыңдыгы 11 сантиметр болгон эки катмар асфальт төшөлдү;

- жаңы бордюрлар жана жол белгилери орнотулду.

Белгиленгендей, бул жол алты тилкелүү болуп, эки тарабына жөө жүргүнчүлөр үчүн тротуарлар жана велосипед жолдору курулду.

Автор: Замира Ниязбекова