Бишкекте айрым автобустардын каттамы убактылуу өзгөртүлдү

Бишкектеги Лев Толстой көчөсүнүн айрым тилкелери жабылганына байланыштуу 4 каттамдын маршруттук схемалары убактылуу өзгөртүлдү. Бул тууралуу мэрия жарыя кылды.

Бүгүн, 2-сентябрдан баштап Лев Толстой көчөсүнүн Асаналиев көчөсүнөн Бакаев көчөсүнө чейинки жана Садырбаев көчөсүнөн Термечиков көчөсүнө чейинки бөлүгү убактылуу жабылгандыгына байланыштуу, 4 автобустук каттамдын маршруттук схемалары өзгөртүлдү.

Бишкек шаарынын мэриясы убактылуу ыңгайсыздыкка түшүнүү менен мамиле кылып, каттамдарды алдын ала пландап, мүмкүн болсо жеке транспорттун ордуна коомдук транспортту пайдаланууну өтүнөт.