Италиялык тенор Андреа Бочелли Самаркандда концерт берди (видео)

Самаркандда атактуу италиялык тенор Андреа Бочелли концерт берди. Бул тууралуу Өзбекстандын Маданият жана искусство өнүктүрүү фонду билдиргенин чет элдик басылмалар жазышууда.

"Бүгүн Өзбекстан үчүн өзгөчө күн, анткени ушул күнү өлкө эгемендүүлүгүн алган. Мен бекем ишенем, эркиндик жана көз карандысыздык ар бир адам үчүн жана бүт эл үчүн эң улуу баалуулуктар",- деди Бочелли.

Тарыхый аянт Регистанда уюштурулган концерт жогоруда аталган фонд жана ЮНЕСКОнун демилгеси астында өтүп, дүйнөлүк маданият үчүн мааниси чоң экендиги айтылды. Иш-чарага өлкөнүн башчысы Шавкат Мирзиёевдин кыздары үй-бүлөлөрү менен катышты. Жана чет өлкөдөн коноктор келгендиги кошумчаланды.