Лондон Орусиянын тоңдурулган активдеринин эсебинен Киевге курал-жарак жөнөттү

Улуу Британия өкмөтү Украинага Орусиянын тоңдурулган активдеринин эсебинен 1 миллиард фунт стерлингдик курал-жарак жана аскердик техника жөнөттү. Бул тууралуу Британиянын коргоо министри Жон Хили 3-сентябрда Киевге болгон сапарында билдирди.

"Бул каражаттар жүз миңдеген артиллериялык ок-дары, жүздөгөн зениттик ракеталар, запастык бөлүктөрдү жеткирүүгө жана жабдууларды, унааларды тейлөө жана оңдоо үчүн жаңы контракттарды түзүүгө мүмкүнчүлүк берди",- деп айтылат Британия өкмөтүнүн басма сөз кызматынын билдирүүсүндө.

Хилинин айтымында, Лондон өзүнүн Куралдуу күчтөрүнүн даярдыгын кайра карап чыгып, Украинанын аймагына каалаганча курал-жарак жөнөтүүгө даярдык үчүн каржылоону тездетүүдө.

Өкмөттүн кабарында айтылгандай, акыркы 50 күн ичинде Киев Лондондон 4,7 миллион ок-дары, 2,5 миңден ашык учкучсуз учактар (дрондор), 200дөн ашык радиоэлектрондук каршылык системдери, дрондорго жана абадан коргонуу системдерине каршы кошумча жабдуулар, 60 миңден ашык артиллериялык октор, ракеталар жана ракеталык комплекстерди алган.

Автор: Ширин Марат кызы