Бишкек мэриясы кабарлагандай, 6-сентябрдан тарта Фучик көчөсүнүн бир бөлүгү убактылуу жабылат.
Тактап айтканда, Фучик көчөсүнүн батыш тарабы — Чүй проспектисинен Жибек Жолу проспектисине чейинки бөлүгү капиталдык оңдоо иштерине байланыштуу убактылуу жабылат.
Аталган тилкенин чыгыш тарабында эки багытта кыймыл уюштурулат.
Бишкек шаарынын мэриясы жол тыгындарын алдын алуу максатында коомдук транспортту пайдаланууну сунуштайт.