Оросбек Айдаров "Учур" театрынын көркөм жетекчиси болуп дайындалды

Мамлекеттик “Учур” жаштар театрынын көркөм жетекчиси болуп Оросбек Айдаров дайындалды. Бул тууралуу Маданият министрлиги бүгүн, 4-сентябрда билдирди.

Ал буга чейин Ш.Термечиков атындагы Чүй облустук музыкалык драма жана сатира театрынын көркөм жетекчиси болуп иштеген.

Оросбек Айдаров 1960-жылы Чүй облусунун Сокулук районундагы Төш-Булак айылында жарык дүйнөгө келген. 1983-жылы Москвадагы А.В.Луначарский атындагы театралдык искусство институтун бүтүргөн.

Эмгек жолу:

Ошол жылы чыгармачылыктагы эмгек жолун К.Жантөшев атындагы Ысык-Көл облустук драма театрынан баштаган.
1990-1993-жылдары Б.Кыдыкеева атындагы Республикалык жаш көрүүчүлөр театрынын артисти;
1993-1994-жылдары Кыргызстандын театралдык ишмерлер союзунун вице-президенти;
1994-2000-жылдары Т.Абдумомунов атындагы Кыргыз улуттук драма театрынын орун басары;
2010-жылы К.Жантөшев атындагы Ысык-Көл облустук музыкалык драма театрынын директору;
2010-2021-жылдары Ш.Термечиков атындагы Чүй облустук музыкалык драма жана сатира театрынын директору;
2021- 2025-жылдын 2-сентябрына чейин Ш.Термечиков атындагы Чүй облустук музыкалык драма жана сатира театрынын көркөм жетекчиси.

Наамдары:

Кыргыз ССРнин театралдык коомунун Президиумунун 1-даражадагы диплому (1994-жыл);
“Кыргыз Республикасынын эмгек сиңирген артисти” наамы (1996-жыл);
Кыргыз Республикасын Ленин комсомолу сыйлыгынын лауреаты (1986-жыл);
Ч.Айтматов атындагы эл аралык сыйлыктын лауреаты (2006-жыл);
Маданияттын мыкты кызматкери төш белгиси (2009-жыл);
Эл аралык Түрксой уюмунун төш белгиси (2024-жыл).