Баткендин “Жаштык” жана “Жеңиш” парктарында курулуш иштери кызуу жүрүүдө

Баткен шаарынын “Жаштык” жана “Жеңиш” парктарында курулуш иштери кызуу жүрүүдө. Бул тууралуу облустук өкүлчүлүк билдирди.

Буга чейин парктын жер иштери жасалды. Тагыраагы:

-жер асты менен электр энергиясы тартылды

-таза суу, сугат суу, саркынды суу системдери толугу менен курулуп бүттү

-жарыктандыруу линиялары жасалды

-фонтан толугу менен курулуп бүтүп, сыноодон өттү

-калкты тейлөөчү соода түйүндөр курулуп, бардык керектүү коммуникациясы киргизилди

-керектүү курулуш материалдары жана жабдуулары толугу менен ташылып келинди

-тротуарлар курулууда

-сугат суу ноолору орнотулууда

-35 метр узундуктагы тууну орнотуу иштери жүрүүдө

-жумушчулардын саны көбөйтүлдү

Белгилей кетек, парктар менен кошо жаңы аянттын да курулушу жүрүүдө. Президенттин Баткен облусундагы ыйгарым укуктуу өкүлүнүн имаратынын алдындагы аянтта түстүү брусчаткалар улуттук колоритте жаткырылып, түрдүү иш-чараларды өткөрүүгө ыңгайлашат.

Адистер белгилегендей, курулуштун татаал бөлүгү болуп саналган жер иштери аяктады. Алдыда жер бетиндеги курулуш жанданып, парк көркүнө чыга баштады.

Эске салсак, парктардын курулушуна быйыл 7-февралда мезгил кутусу салынган.

Долбоордун аяктоо мөөнөтү 2026-жылдын январь айы. Бирок курулуш мөөнөтүнөн мурда, октябрь айында бүткөрүлүп, 13-октябрь облустун түзүлгөн күнүнө карата пайдаланууга берилүүсү күтүлүүдө.

Автор: Айсулуу Урустамова