Түштүк Кореяда "Кыргыз кийиз касиети" аттуу Кыргызстандын атайын көргөзмөсү ачылды

2025-жылдын сентябрь айында Түндүк Кореяда өтүп жаткан Чхонджу эл аралык кол өнөрчүлүк биенналесинин алкагында Кыргызстандын "Кыргыз кийиз касиети" аттуу атайын көргөзмөсү ачылды. Бул тууралуу Маданият министрлиги билдирди.

Маалыматка ылайык, ачылыш аземине маданият министри Мирбек Мамбеталиев катышып, уюштуруучуларга ыраазычылык билдирди. Ал кыргыз кийизи ата-бабалардан калган баалуу мурас, улуттук турмуштун жана руханий дүйнө таанымдын символу экенин белгиледи. Көргөзмө Кыргызстанды дүйнөлүк маданий мейкиндикке таанытууда маанилүү экенин кошумчалады.

Көргөзмөдө кийиздин тарыхый жана маданий орду, улуттук оюм-чиймелердин маңызы көрсөтүлүп, коноктор кыргыз элинин уникалдуу мурастары менен таанышууга мүмкүнчүлүк алышты.

Автор: Жазгүл Жаңыбаева
Фото: Маданият министрлиги