Ысык-Көлдөгү Өрүктү айылында жаңы мектеп курулууда (фото)

Ысык-Көл районуна караштуу Өрүктү айылында наркы 89 миллион сомду түзгөн жаңы мектептин курулушу жүрүп жатат. Бул тууралуу бүгүн, 8-сентябрда Курулуш министрлигинен билдиришти.

Маалым болгондой, 150 окуучуга ылайыкталган билим уясынын курулуш иштери 2023-жылы башталып, республикалык бюджеттин эсебинен каржыланууда.

Долбоордун алкагында заманбап негизги окуу класстары менен катар лаборатория, китепкана, компьютердик класс, эмгек кабинеттер жана спортзал каралган.

Учурда курулуш-монтаждоо иштери 75 пайызга аткарылып, мектепти быйылкы жылдын аягына чейин пайдаланууга берүү пландалууда.

Автор: Ширин Марат кызы
Фото: Курулуш министрлиги