Токтогулдагы борбордук стадиондо кандай өзгөрүүлөр жүрүп жатат?

Токтогул шаарындагы борбордук стадиондо реконструкция иштери жүрүп жатат. Бул тууралуу бүгүн, 9-сентябрда Курулуш министрлиги билдирди.

Маалым болгондой, Элебес Осмонов атындагы борбордук стадиондо 45 жылдан кийин биринчи жолу ири реконструкция жана капиталдык оңдоо иштери жүргүзүлүүдө. Объекттин тендердик баасы 172 миллион сомду түзүп, республикалык бюджеттин эсебинен каржыланууда.

"Долбоорго ылайык, стадиондун жатаканасы, ашканасы, батыш-чыгыш трибуналары, коомдук даараткана, унаа токтотуучу жай жана эл аралык талаптарга жооп берген футбол талаасы курулат. Стадион 1980-жылы курулган",- деп кошумчаланды маалыматта.

Автор: Замира Ниязбекова