Ошто Андагул айылындагы жаңы мектеп пайдаланууга берилет (фото)

Ош облусуна караштуу Кара-Суу районунун Андагул айылында 150 орундуу Т.Шериев атындагы жаңы мектептин курулушу кызуу жүрүп жатат. Бул тууралуу бүгүн, 9-сентябрда Курулуш министрлигинен билдиришти.

Маалым болгондой, аталган мектеп республикалык бюджеттен каржыланууда. Долбоорго ылайык, эки кабаттуу мектеп 3 блоктон турат. Ошондой эле окуучу жана окутуучулар үчүн бардык заманбап шарттар каралган.

Учурда курулуш иштеринин 85 пайызы бүткөрүлүп, ушул жылдын аягына чейин пайдаланууга берүү пландалууда.

Автор: Ширин Марат кызы
Фото: Курулуш министрлиги