Өзбекстанда адамдарды уруксаты жок сүрөткө тартууга тыюу салуу сунушталууда

Өзбекстандын Кеңеш палатасында жарандарды сүрөткө тартууга жана алардын сүрөттөрүн уруксаты жок колдонууга тыюу салган мыйзам долбоору каралууда. Бул тууралуу чет элдик басылмалар жазышууда.

"Маалымат-коммуникациялык чөйрөнүн ылдам өнүгүшү шартында кээ бир учурларда жеке адамдардын сүрөттөрүн колдонууга болгон укук чектелип калышы мүмкүн, анткени аны ишке ашыруунун натыйжалуу механизмдери жок", — деп жазылган парламенттин билдирүүсүндө.

Мыйзам долбооруна уруксат алуу зарыл эмес болгон учурлар да киргизилет. Документте ошондой эле сүрөттү эмгек мамилелеринде колдонууга байланыштуу жоболор каралат.