Кечиккен министрдин убадасы... Нарындагы көпүрөнүн курулушу аяктап калганы маалымдалды (видео)

Нарын районундагы Эки-Нарын айлынын башка айылдар менен байланыштырып турган көпүрөнүн курулушу аяктоо алдында турат. Бул тууралуу Транспорт жана коммуникациялар министрлиги билдирип, жеринде жүрүп жаткан иштер тартылган видеону жарыялады.

Эске салсак, 16-августа транспорт министри Абсаттар Сыргабаев Эки-Нарын айылынын тургундары менен болгон жолугушууда көпүрө 21 күндө толук бүткөрүлүп, пайдаланууга берилерин айткан. Министрдин убадасынан бери 26 күн өттү.

Нарын районундагы Эки-Нарын айылын облус борбору жана коңшу айылдар менен байланыштырып турган көпүрө 13-августта Нарын дарыясына кулаганы белгилүү болгон. Кырсык жүк ташуучу унаа өтүп бара жатканда болгон. Айдоочунун сөөгү 15-августта табылган.

Жергиликтүү тургундар көпүрөнүн урашына өз убагында чара көрбөй келди деген жүйө менен жергиликтүү бийликти айыптап келет.