Жалал-Абадда айрым көрнөк-жарнактар алынып, айып пул салынды

Кечээ, 11-сентябрда Жалал-Абад шаарында мамлекеттик тил эрежелерин сактабаган ишкерлерге айып пул салынды. Бул тууралуу шаардык мэрия билдирди.

Мэриянын тийиштүү кызматтардан түзүлгөн комиссия курамы калаадагы тил эрежелери сакталбаган көрнөк-жарнактарга кезектеги рейдин уюштурду. Анда Байзаков проспектиндеги соода түйүндөрү текшерилип, мамлекеттик тил мыйзамына каршы келген көрнөк-жарнактарды алуу боюнча ээлерине эскертүүлөр берилди. Ошондой эле буга чейин эскертүү берилген ишкерлерге 5500 сом өлчөмүндө айып пул салынды.

Белгилей кетсек, Кыргызстандын 2023-жылдын 17-июлундагы "Мамлекеттик тил жөнүндө" конституциялык мыйзамына ылайык, маалыматтар адегенде мамлекеттик тилде, андан кийин расмий тилде жазылуусу зарыл.

Автор: Айсулуу Урустамова