Ноокат районундагы кардиология бөлүмү жаңыланууда

Ош облусунун Ноокат районундагы аймактык кардиология бөлүмү көп жылдан кийин капиталдык оңдоодон өткөрүлүүдө. Бул тууралуу Курулуш министрлиги билдирди.

Маалыматка ылайык, долбоор Турак жай-жарандык курулуш департаменти тарабынан ишке ашырылып, республикалык бюджеттин эсебинен каржыланууда. Учурда оңдоо иштери аяктап калды, жакынкы күндөрү пайдаланууга берилет.

Иштин жүрүшүндө имараттын фасады, чатыры, эшиктери жана полу алмаштырылып, ички курулуш-монтаждоо иштери аткарылды.

Белгилей кетсек, кордиология бөлүмүнүн имараты 1989-жылы 40 койкалуу болуп курулган, андан бери бир дагы жолу капиталдык оңдоодон өткөн эмес.

Автор: Жазгүл Жаңыбаева
Фото: Курулуш министрлиги