Бишкектин командасы эл аралык кум үстүндөгү волейбол боюнча турнирдин жеңүүчүлөрү болду

Ысык-Көлдө КМШ жана ШКУ өлкөлөрүнүн XXIV эл аралык спорт оюндарынын алкагында "Азия – кызматташтык жана тынчтыктын аймагы" урааны алдында Бишкек шаарынын эркектер арасында командасы кум үстүндөгү волейбол боюнча мелдеште 1-орунду ээледи. Бул тууралуу мэриядан билдиришти.

Маалыматка ылайык, 35 жашка чейинки кыз-келиндер арасында Бишкек шаарынын курама командасы 2-орунду алды.

Ал эми Бишкек шаарынын ОРАБӨСОМдун тарбиялануучулары турнирде 3-орунга ээ болушту.

Мелдештерге Кытайдан, Орусиядан жана жакынкы чет өлкөлөрдөн келген 9 команда катышты.

Автор: Жазгүл Жаңыбаева
Фото: Бишкек шаарынын мэриясы