Кербен шаарында жол иштери кызуу жүрүүдө (фото)

Кербен шаарынын транспорттук инфраструктурасын жакшыртуу жана тургундар үчүн ыңгайлуу шарттарды түзүү максатында Ниязалы көчөсүнүн Касымбеков көчөсүнөн Айланма жолго чейинки 3 чакырым аралыгы капиталдык оңдоодон өткөрүлүүдө. Бул тууралуу президенттин облустагы өкүлчүлүгүнөн билдиришти.

Учурда жол негизин түздөө, жерлерди пландоо, техникалык даярдык жана асфальтка даярдоо иштери кызуу жүрүп жатат. Жол оңдолгондон кийин жарандардын коопсуз жүрүүсүнө, унаалардын эркин каттоосуна жана шаардын көркүнө чоң салым кошулмакчы.

Шаар башчысы Жаныш Раимжанов көзөмөл жүргүзүп, сапат маселесине өзгөчө көңүл бурулууда.