OpenAI өспүрүмдөр үчүн ChatGPT’де коопсуздукту күчөттү

Калифорнияда өспүрүм өз өмүрүнө кол салгандан кийин OpenAI ChatGPT үчүн жаңы жаш текшерүү системин киргизди. Бул тууралуу чет элдик басылмалар жазышты.

Маалым болгондой, 18 жашка чейинкилер контенти чектелген версияны колдонот жана кошумча коопсуздук чаралары, анын ичинде ата-энелердин көзөмөлү каралган.

Систем сексуалдык контентти, флиртти чектейт жана өз өмүрүн кыюу темаларын талкуулабоого багытталат. Стресстүү абалдагы колдонуучулар үчүн ата-энелерге же зарыл учурда органдарга кабар берүү каралган.

Бул чаралар өспүрүмдөрдүн коопсуздугун камсыз кылуу жана трагедиялардын алдын алуу максатында жасалууда.

Автор: Жазгүл Жаңыбаева