Дастан Жумабеков Жогорку Кеңеште дыйкандардын маселесин көтөрдү (видео)

Жогорку Кеңештин депутаты Дастан Жумабеков Талас облусунда кант кызылчасын өстүргөн дыйкандардын маселесин парламенттин жыйынында көтөрдү.

Эл өкүлү билдиргендей, Талас облусунун аймагында кант кызылчысын өстүргөн дыйкандардын саны салыштырмалуу быйыл көп болду.

"Жакында кант кызызылчасын кабыл алуу башталат. Алмасбек Ахунжанович, (ред., президенттин жана өкмөттүн парламенттеги өкүлү) "кант кызылчасынын баасын болушунча максималдуу кылып беришсинчи. Быйыл өтө кыйналдык, түшүм аз болгону көрүнүп турат" деп дыйкандар кайрылып жатат.

Тиешелүү мекемелерге протоколдук тапшырма берип, ушул маселени көзөмөлгө алып бериңиздер", - деди депутат.

Эл өкүлү аймактагы суу тартыштыгынан улам быйыл түшүм аз болуп калганын белгиледи.