Бишкекте жекшемби күнү айрым көчөлөр жабылат (тизме)

Бишкектин айрым көчөлөрү 21-сентярда убактылуу жабылат. Мындай чектөө калаада өтө турган Bishkek Snow Leopard Run 2025 empowered by Visa эл аралык кайрымдуулук марафонуна байланыштуу киргизилди.

Калаа бийлиги билдиргендей, бул күнү саат 06:30дан 13:00гө чейин төмөнкү жол тилкелери убактылуу жабылат:

Чүй проспектиси (Манас проспектинен Абдрахманов көчөсүнө чейин);
Абдрахманов көчөсү (Чүй проспектинен Иманалиев көчөсүнө чейин);
Иманалиев көчөсү (Абдрахманов көчөсүнөн Ч.Айтматов проспектине чейин);
Масалиев көчөсү (Абдрахманов көчөсүнөн Ч.Айтматов проспектисине чейин, түндүк тарабында);
Ч.Айтматов проспектиси (Иманалиев көчөсүнөн Чүй проспектисине чейин).

Мэрия борбордун тургундарын жана конокторун алдын ала кыймыл багыттарын пландап алууга чакырды.

Автор: Айжанар Рыспек кызы
Фото: интернеттен алынды