Ысык-Көлдө 30 даана синтетикалык тор табылып, алынды

Ысык-Көлдө көл суусун тордон тазалоо иштери жүргүзүлдү. Бул тууралуу облустук милициядан билдиришти.

Иш-чаранын жүрүшүндө Ысык-Көл району жана Түп районунун Масло завод участогуна караштуу аймактардан жалпы 30 даана синтетикалык тор табылып, алынган. Алардын жалпы аянты болжол менен 3000 чарчы метрди түзөт.

Бул иштердин негизги максаты – көлдүн экологиялык коопсуздугун сактоо, мыйзамсыз балык уулоонун алдын алуу жана туристтер үчүн таза шарт түзүү болуп саналат.

"Ысык-Көл ОИИБ экологиялык мыйзам бузууларга каршы күрөштү жана коомчулукту айлана-чөйрөнү таза сактоого чакыруу иштерин мындан ары да уланта бермекчи",- деп айтылат маалыматта.

Автор: Айсулуу Урустамова