Бишкек - Күнтуу - Шопоков жолун оңдоо иштери уланууда

Бишкек - Күнтуу - Шопоков жолун оңдоо иштери уланууда. Бүгүнкү күндө жолдун бир тарабына 1,5 чакырым асфальт басылды. Бул тууралуу Транспорт жана коммуникациялар министрлигинин маалымат кызматы билдирди.

Жеринде жалпы 128 кызматкер жана 60 техника иш алып барып жатат.

Белгилей кетсек, жолдун жалпы узундугу 12,4 чакырымды түзөт. Анын 6,7 чакырымын быйыл оңдоо мерчемделген. Долбоордо жолду 4 тилкеге чейин кеңейтүү, тротуар куруу, жолду жарыктандыруу жана мурда кыйылган бактардын ордуна жаңы көчөттөрдү отургузуу каралган.

Автор: Айсулуу Урустамова