Далласта мигранттар боюнча иш алып барган кызматтын имаратына кол салуу болду

Даллас шаарында АКШнын Имиграция жана бажы кызматынын имаратына карата ок чыгарылды. Анын кесепетинен бир адам окко учуп, экөө жарадар болду. Бул тууралуу чет элдик басылмалар жазышууда.

Жергиликтүү бийликтин маалыматы боюнча, кол салган жаран өз өмүрүн кыйган. Бажы кызматынын кызматкерлеринин арасында жабыркагандар жок. Ок мигранттарды кармоочу тарапка эмес, убактылуу сүйлөшүүлөрдү жүргүзүүчү филиал тарапка чыгарылган.

АКШдагы Дональд Трамптын администрациясы жүргүзүп жаткан катаал миграциялык саясаттын шартында борборлордун айланасында үзгүлтүксүз түрдө нааразычылык акциялары өтүп келет.

Акыркы апталарда бул нааразычылыктар көбүнчө көздөн жаш агызуучу газ жана атайын каражаттар колдонулган кагылышууларга алып келүүдө.

Автор: Замира Ниязбекова