Белгилүү ырчы Рианна кызын коомчулукка көрсөттү

Ырчы Рианна кызынын сүрөтүн инстаграмдагы баракчасына жарыялады. Кызы 13-сентябрда төрөлгөн жана ага Рокки Айриш Майерс (Rocki Irish Mayers) деген ысым берилди.

"Дүйнөгө кош келдиң кичинекей ханыша",- деп жазды ырчы.

Пост болжол менен 130 миңден ашуун лайк топтоп, колдонуучулар ырчыны кубанычтуу окуясы менен куттукташты.

Маалымат үчүн: Рианна – замандын эң таанымал ырчыларынын бири. Ал "Umbrella" жана "Diamonds" хиттери менен таанылган. Музыкадан тышкары, мода жана сулуулук индустриясында да активдүү, анын Fenty Beauty бренди кеңири белгилүү. Февраль айында ырчы 37 жашка толгон.

Автор: Жазгүл Жаңыбаева