Израил лидери: "Палестина мамлекети түзүлбөйт"

Израилдин премьер-министри Биньямин Нетаньяху бир нече өлкөнүн Палестинанын мамлекеттүүлүгүн таануу чечимин четке какты.

Нетаньяхунун кеңсеси тараткан кыска билдирүүдө, "кээ бир лидерлердин палестиналык терроризмге уяттуу түрдө багынып бериши Израилди эч качан милдеттендирбейт. Палестина мамлекети түзүлбөйт",- деп айтылат.

Буга чейин БУУнун Нью-Йорктогу штаб-квартирасында өткөн конференцияда Андорра, Бельгия, Люксембург, Мальта, Сан-Марино жана Франция Палестина мамлекетин тааныганын жарыялашкан. Андан тышкары, 21-сентябрда Австралия, Улуу Британия, Канада жана Португалия Палестинаны расмий тааныды.

Фото: Интернеттен алынды