IV Элдик курултайды өткөрүү боюнча уюштуруу комитетинин биринчи жыйыны өттү

Кезектеги IV Элдик курултайды өткөрүү, делегаттарды шайлоо жана координациялоо боюнча уюштуруу комитетинин биринчи жыйыны өттү. Бул тууралуу министрлер кабинети кабарлады.

Маалымдагандай, жыйында Элдик курултайды жогорку деңгээлде өткөрүү боюнча күн тартибиндеги маселелер каралып, делегаттарды шайлоону уюштуруу жана өткөрүү боюнча негизги иш-чаралардын календардык планы бекитилген.

Белгилей кетсек, өлкө башчы Садыр Жапаров кол койгон жарлык боюнча IV Элдик курултайды 22-декабрда өтөт. Бул жылы курултайга 700 квота бөлүндү.

Былтыр Элдик курултай 20-декабрда өтүп, ага да 700 делегат катышкан эле.

Автор: Кылымбек Бейшеев
Фото: Министрлер кабинети