АКШ Түркияга каршы санкцияларды алып салууга макул болду

Түркиянын тышкы иштер министри Хакан Фидан АКШ менен жетишилген келишимдерди ачыктады.

"Биз кеңири дипломатиялык иштерди жүргүздүк. CAATSA санкцияларын (санкциялар аркылуу Американын душмандарына каршы туруу актысы) алып салуу боюнча макулдашууга жетишилди. Биздин приоритетибиз Газада ок атышууну токтотууга мүмкүн болушунча тезирээк жетишүү", - деп келтирет анын сөздөрүн Hurriyet гезити.

Буга чейин АКШ президенти Дональд Трамп Түркиянын президенти Режеп Тайып Эрдоган менен жолугушуу ийгиликтүү болсо, Кошмо Штаттар Түркияга каршы мурда CAATSA боюнча киргизилген санкцияларды алып салышы мүмкүн экенин айткан.

Фото: Интернеттен алынды