
Ушул жылдын 27-сентябрында Чүйдөгү Кой-Таш айылында Аламүдүн суусуна түшүп кеткен 35 жаштагы аял изделүүдө. Бул тууралуу бүгүн, 30-сентябрда Өзгөчө кырдаалдар министрлиги билдирди.
Маалыматка ылайык, 3 күндөн бери издеп-куткаруу иштери тынымсыз жүргүзүлүп жатат.
Бүгүн, 30-октябрда таң эрте издөө иштерин улантуу үчүн жалпы 28 адам чыкты. Ал эми кечээ жалпы 30 адам тартылып, дрон менен изделген. Издөө иштеринин жүрүшүнөн кошумча маалымат берилет.