Бишкекте "Дени сак Евразия" аттуу акция өттү

Катышуучулардын кан басымы текшерилип, кардиолог менен кеңешме уюштурулду.

1-октябрда Саламаттыкты сактоо министрлигине караштуу Саламаттыкты чыңдоо жана массалык коммуникация республикалык борборунда Бүткүл дүйнөлүк жүрөк күнү жана Карылар күнүнө арналган "Дени сак Евразия" аттуу медициналык-агартуу акциясы болуп өттү.

Иш-чаранын уюштуруучулары – "Евразия" КФА жана Саламаттыкты чыңдоо жана массалык коммуникация республикалык борбору.

100дөн ашык адам акцияга катышып, анын негизги максаты – жүрөктүн ден соолугу жөнөкөй жана жеткиликтүү кадамдардан башталарына көңүл буруу болду.

Иш-чаранын алкагында:

• катышуучулардын артериалдык кан басымы текшерилди;

• кардиолог менен кеңешме өткөрүлдү;

• медициналык викторина уюштурулду;

• соңунда ар бир катышуучуга пайдалуу сунуштар жазылган жеке эскертме — "Ден соо жүрөктүн паспорту" тапшырылды.