Президентин Баткен облусундагы ыйгарым укуктуу өкүлүнүн орун басары Абдирашит Ташбалтаев Кадамжай районунун Айрыбаз айылынын тургуну, 100 жаштагы Сулайман Ахмедов атадан кабар алып, белектерин тапшырды.
Сулайман ата 10 баланын атасы, 44 небере, 21 чеберенин чоң ата, таятасы. Ал Кадамжай сурма комбинатында, Кыргыз почтасынын аймактык бөлүмдөрүндө эмгектенип, ардактуу эс алууга чыккан.
Баткен облусунун аймагында, карыларга сый урмат көрсөтүү иш-чаралары жүрүүдө.