Чүйдө шаарларды дизайн-код боюнча иретке келтирүү иштери жүрүп жатат

Шаар куруу жана архитектура департаментинин Чүй аймактык башкармалыгы тарабынан дизайн-коддун негизинде иретке келтирүү иштери жүргүзүлүүдө. Бул тууралуу бүгүн, 3-октябрда Курулуш министрлиги кабарлады.

Маалыматка ылайык, иш-чаранын алкагында райондук башкармалыктар атайын бекитилген дизайн-коддун негизинде убактылуу объекттердин, имараттар менен курулмалардын фасаддарынын сырткы көрүнүшүн иретке келтирүү иштерин жүргүзүп жатышат.

"Дизайн-код - бул шаар архитектурасын, көчө-жолдорду, коомдук жана турак жай имараттарын бирдиктүү стилде өнүктүрүүнү камсыздаган документ. Анын максаты - шаардын эстетикалык көрүнүшүн жакшыртуу жана сапаттуу шаардык чөйрөнү түзүү",- деп белгиленген маалыматта.

Автор: Жазгүл Жаңыбаева
Фото: Курулуш министрлиги