Ош шаарында туунун сабын орнотуп жаткандагы эки баланын аракети көпчүлүктү суктандырды

Социалдык тармактарда Ош шаарында бийиктиги 95 метр болгон туунун сабын орнотуп жаткан эки баланын видеосу тарады.

Видеодон кранга атайын коопсуздук шаймандары менен асылып, туунун сабын бийикке алып чыгып жаткан балдарды көрүүгө болот.

Эске салсак, туу Ош шаарынын так ортосуна коюлду. Бул туунун көтөрүлүшү шаардын 3025 жылдык мааракесине карата уюштурулган иш-чаралардын бири болуп саналат. Иш-чарага өлкө башчы Садыр Жапаров катышты.

Ош шаарынын мэриясынын маалыматына ылайык, желек сабы Түркиядан жасалып келген. Жаңы желектин узундугу 30 метрди, туурасы 18 метрди түзөт.