Орусияда өспүрүм телефонун кубаттап жатып сүйлөшүү учурунда каза болду

Тергөөчүлөр Орусиянын Челябинск шаарында 16 жаштагы баланын өлүмүнүн чоо-жайын иликтеп жатышат. Бул тууралуу чет элдик басылмалар жазып чыгышты.

Орусиянын облустук тергөө комитетинин маалыматы боюнча, бала жылыткычтын жанында телефону кубатталып жатканда сүйлөшкөн. Анын жансыз денеси үйүндө, колунан күйүк алган абалда табылган.

Бул окуя боюнча кылмыш иши козголду. Учурда баланын өлүмүнүн себеби такталууда. Керектүү экспертизалар жүргүзүлүүдө.

Автор: Айсулуу Урустамова
Фото: Орусиялык басылмалардан алынды