Социалдык фонддун кызматкерлери Балдарды реабилитациялоо борборуна жардам көрсөттү

Кечээ, 6-октябрда Социалдык фонддун кызматкерлери Бишкектеги Балдарды реабилитациялоо жана үй-бүлөнү коргоо борборуна материалдык жардам көрсөтүштү.

Мекеменин кызматкерлери өздөрүнүн демилгеси менен айлык-акыларынын эсебинен чогултулган каражатка борборго керектүү кийим-кече, оюнчук, таттууларды тапшырышты.

"Балдарга колдоо көрсөтүү - абдан маанилүү деп эсептейм. Биздин бул сапар балдарга жылуу мамиле тартуулоо жана алардын керектүү буюмдарын, азык-түлүк жана оюнчуктарды алып берүү үчүн уюштурулду.

Дароо көзгө урунар нерсе – алардын жөнөкөй адамдык көңүл бурууга болгон муктаждыгы. Ар бир бала менен өткөрүлгөн он мүнөт дагы алар үчүн абдан чоң мааниге ээ",– дейт Соцфонддун кызматкери Гүлнара Кадырова.

Автор: Айжанар Рыспек кызы
Фото: Социалдык фонд