Садыр Жапаров Азербайжанда ТМУнун мамлекет башчыларынын саммитине катышууда

Президент Садыр Жапаров бүгүн, 7-октябрда Азербайжандын Габала шаарында Алиев атындагы конгресс-борбордо Түрк мамлекеттер уюмунун мамлекет башчыларынын кезектеги саммитине катышууда. Бул тууралуу президенттин басма сөз кызматынан билдиришти.

Иш-чаранын алдында мамлекет башчысын Азербайжандын президенти Ильхам Алиев тосуп алды.

Саламдашуу аземи жана биргеликте сүрөткө түшүү аяктагандан кийин делегация башчылары саммитке катышуу үчүн залга өтүштү.

Автор: Айсулуу Урустамова