Суу сактагычтарда балык уулоого убактылуу тыюу салынды

Өлкөдөгү айрым суу сактагычтарда балык уулоого убактылуу тыюу салынды. Тиешелүү тескемеге министрлер кабинетинин төрагасы Адылбек Касымалиев кол койду.

Токтомго ылайык, Токтогул, Базар-Коргон, Күрп-Сай, Шамалды-Сай, Таш-Көмүр, Үч-Коргон жана Киров суу сактагычтарындагы балыктардын бардык түрлөрүн уулоого жана ташып чыгууга төмөнкү учурлардан тышкары, үч жылдык мөөнөткө мораторий жарыяланды.

садоктук балык өстүрүүнү жүзөгө ашыруу;
ышкыбоздук жана спорттук балык уулоону уюштуруу жана өткөрүү;
балык запастарын жасалма өндүрүп чыгаруу боюнча бекитилген ар жылдык пландык иштерди жүргүзүү;
илимий изилдөө иш-чараларын жана балык популяциясынын абалына ихтиологиялык мониторинг жүргүзүү.

Документ балык запастарын сактоо, көбөйтүү, балык чарба көлмөлөрүндө балыктардын жашоо чөйрөсүн жана көбөйүү шарттарын жакшыртуу максатында кабыл алынган.

Автор: Айжанар Рыспек кызы
Фото: интернеттен алынды