Эверестте кар бороонунан кийин жүздөгөн альпинисттер куткарылды

Эвересттин Кытай тарабындагы тоосунда кар бороонунан улам 900гө жакын альпинист, гид жана башка кызматкерлер түшө албай калды.

Шейшембиге карата алардын бардыгы 580 альпинист жана 300дөн ашык кызматкер коопсуз жерге жеткирилгени Кытайдын мамлекеттик маалымат каражаттарында кабарланды.

Айрымдарын үшүк алып, куткаруучулар аларга тамак-аш, дары-дармек, жылыткыч жана кычкылтек жеткиришкен.

Окуя Кытайдагы улуттук майрам күндөрүнө туш келип, көп сандаган туристтер Эверест аймагында болгон. Куткаруу иштерине байланыштуу Тибеттеги Эвересттин аймагы убактылуу жабылды.

Автор: Замира Ниязбекова