Макрондун жубайы Брижит ортоңку манжасын көрсөттү

Франциянын президенти Эммануэль Макрондун жубайы Брижит Макрон ортоңку манжасын шарко оорусуна каршы өнөктүктү колдоо үчүн көрсөттү. Бул тууралуу Info News маалымат порталы билдирди.

Ал Франциядагы шарко оорусун изилдеген биринчи институттун ачылышына катышкан. Салтанаттын жүрүшүндө бардык катышуучулар ортоңку манжаларын көрсөтүшкөн. Макрон да аларга кошулуп, ал ишаратты жасаган. Иш-чаранын уюштуруучулары бул жаңсоо ооруга каршы болууга чакырык экенин түшүндүрүшкөн.

Шарко оорусу - адамдын булчуңдарынын алсырашына алып келет.

Фото: Интернеттен алынды