Бүгүн, 12-октябрга караган түнү саат 05:00 чамасында Бишкектеги милициянын кайгуул кызматы тарабынан жол эрежесин бузуу менен бараткан эки унаа токтотулду. Текшерүүдө эки айдоочу тең спирттик ичимдик ичкендиги аныкталды.
Мекеменин басма сөз кызматы билдиргендей, эки жигит пикир келишпестиктен улам унаа менен бири-бирин кууп жүрүшкөндө кармалды.
Окуя жолдо кооптуу жүрүм-турум жаратуу катары бааланып, айдоочуларга карата административдик протокол түзүлдү. Унаалар айып короого киргизилди.