НАТО Нидерландда өзөктүк кармашка каршы машыгуу өткөрөт

Бүгүн, 13-октябрда Нидерландда НАТО'го мүчө 14 өлкөнүн 71 учагы катышкан Steadfast Noon аттуу өзөктүк токтотуу боюнча жылдык машыгуулары башталат. Бул тууралуу чет элдик басылмалар жазышты.

НАТОнун баш катчысы Марк Рюттенин айтымында, бул жыл сайын өтүүчү кадимки даярдык. Машыгуунун максаты өзөктүк кармашка каршы потенциалын ишенимдүү жана коопсуз деңгээлде сактоо болуп саналат.

Маалыматтарга караганда, Германия үч Tornado жана төрт Eurofighter аскер учагын жөнөткөн. Ошондой эле Швециянын Jas 39 Gripen жана Финляндиянын F/A-18 Hornet учактары катышууда. АКШ да машыгуунун катышуучуларынын арасында болот.

Steadfast Noon учурунда чыныгы өзөктүк курал колдонулбайт. Машыгуулар 24-октябрда аяктайт.

Автор: Жазгүл Жаңыбаева